Each day this week we will be translating a news story into te reo. Today's is about a pup cheating death for the second time.
The owner of the only pup to survive a massacre of more than 30 dogs believes it has been the victim of a poisoning attempt.
In January, Chicken was only a few days old and sleeping in an old van with her mother, father and three siblings in Wellsford, north
of Auckland, when her parents - and more than 25 other dogs - were shot.
The other pups escaped the gunfire but later died because they were so young and without their mother.
Chicken was the only survivor.
The shootings, on Rowan Hargreaves' 5ha property, stemmed from an argument between the mechanic and his neighbour Russell Mendoza.
Mendoza believed Mr Hargreaves' dogs had mauled and killed his fox terrier Otis.
He and another man, Tony Campbell, allegedly used a shotgun and a .22 calibre rifle on the animals. They both face animal cruelty charges.
This week, Mr Hargreaves has laid a complaint with the police after noticing Chicken and two other dogs he has been given drooling and unable to stand up on Sunday morning.
The trio had walked to the top of his long driveway, where Mr Hargreaves believes pieces of meat with slug bait in them had been thrown over a fence.
He said that when they came back down the driveway, they started "acting funny" and he rushed them to the Wellsford Vet Clinic.
Vets there told him the dogs' symptoms were consistent with poisoning.
"They were all wobbly. It was like they were drunk or something," Mr Hargreaves said. "They were not themselves, not my dogs."
The animals were given medicine to clean out their livers and sent home, where yesterday they appeared to have recovered.
"They were fit and healthy dogs to start with and it was low-grade poison.
"Luckily we caught it soon but I'm just keeping an eye on them because you never know."
The vet yesterday refused to comment on the incident.
Mr Hargreaves said he did not lay any kind of bait around his home because the "dogs take care of the rats", and there was no way they could have escaped from his property to eat it elsewhere.
He spoke to his neighbour, a farmer who was up early for milking, when he came back from the vet. The neighbour said he had seen the tail-lights of a car driving away from the Hargreaves property about 4.20am.
The feud has divided Wellsford, and Mr Hargreaves and his colleague Richard Hawkings, who witnessed the shootings, have received death threats.
Mendoza and Campbell are charged with wilful ill-treatment of an animal, and other charges of ill-treatment of an animal laid by the SPCA, which said seven of the dogs died a slow and painful death.
They also face charges of reckless use of a firearm, an offence which carries penalties of up to three years in prison, a $4000 fine or both.
Mendoza faces a charge of possession of a firearm without a licence, for which the maximum penalty is three months' imprisonment, a $1000 fine or both.
The pair are defending the charges and are due in the Auckland District Court in September.
TE REO VERSION
Kua paihanatia te morehu o nga punua kuri i patua katoatia i tetahi pamu, me etahi atu kuri e rua, e ai ki nga whakapae a to ratou rangatira.
He kuao katahi ano ka whanau mai ki te ao a Chicken, i te puhinga o ona matua me etahi atu kuri, neke atu i te 25 pea. I te moe ia i tetahi wakaroa tawhito i te taha o tona matua, o tona whaereere me ona teina tuakana i Wellsford, i te raki o Tamaki-makau-rau i taua wa. E whitu marama te pakeke ka mate nei.
I oraiti ona teina, tuakana i te puhinga o te pu engari no muri mai ka mate, na te ahua tamariki rawa, kaore hoki he whaea.
Ko nga puhinga i te 25 o Hanuere, i te pamu e 5 heketea te nui o Rowan Hargreave i tetahi parua keringa whenua tawhito, i takea mai i tetahi tautohe i waenga i te kairaweke motoka me tana hoa noho tata a Russell Mendoza.
E ai ki a Mendoza na nga kuri a Hargreaves i ngangau, i whakamate hoki tana kuri pokiha a Otis.
Na raua ko tetahi atu tangata na Tony Campbell i whakamahi te pu hota, e ai ki nga korero, me tetahi raiwhara 22 mo nga karerehe, a, kua whakapaetia raua tahi mo te tukino i te kararehe.
Na Hargreaves i tapae tana whakahe ki nga pirihimana i muri i te kitenga i a Chicken e whakahaware ana te waha, e hurorirori ana, me etahi atu kuri e rua e pera ana ano hoki, mai i te Ra Tapu.
I hikoi atu aua kuri e toru ki runga rawa o te ara heke mai ki tona whare, a, e ai ki a Hargreaves i makaia he miti, he mea paihana ki te 'maunu putoko' ma runga i te taiapa.
No te hokinga mai ka "ahua rereke" te tu o aua kuri, kawea ana e ia ki Wellsford Vet Clinic, a, na te Clinic i ki ki a ia te ahua nei kua oti nga kuri te paihana.
"Kua turingongengonge katoa, me te mea nui e haurangi ana, e hurori noa ana. Kaore i kitea te ahua e mohio ana au, o aku kuri."
Ka hoatu he rongoa hei horoi atu i nga ate, tukua ana nga kuri kia hoki ki te kainga, a, te ahua nei kua ora mai ano.
"He kuri hauora, he kuri pai katoa te hanga i te timatanga, he paihana ahua ngoikore noa iho hoki. He waimarie ta matou haukoti i te mahi nanakia nei, engari kei konei au e tirotiro ana, kei hoki mai ano te mate."
Kaore te takuta kararehe i whakaae ki te whakaputa korero inanahi.
E ai ki a Hargreaves kihai ia i whakatakoto maunu huri noa i tana kainga na te mea "ko nga kuri tonu ki te kai i nga kiore o konei" a, kaore kau he putanga i nga taiepa hei omanga ma nga kuri ki waho atu i te pamu, ki te kai i te paihana o wahi ke.
I korero ia ki tona hoa noho tata, tetahi kaimahi pamu kua oho i te atapo ki te kutete kau, i tana hokinga mai i te takuta kararehe. Ko te korero a te tangata nei ki a ia, kua kitea e ia nga raiti o muri o tetahi waka, heke atu i tana pamu, i te takiwa o te 4.20 i te ata.
Tenei te taone katoa te noho tauwehe i te tautohe nei, a, kua tae mai nga whakatumatuma mo te mate rawa ki a Hargreaves raua ko tana hoa a Richard Hawkings.
I kitea e Hawkings te puhinga o nga kuri.
Kua oti a Mendoza raua ko Campbell te whakapae mo te whakawhiu kino i te kararehe, me etahi atu whakapae mo te whakawhiu i te kararere na te SPCA, i raro i te Ture mo te Hauora o Te Kararehe, e whakapae ana he roa ano te whakamatemate o aua kararehe, me te mamae kino ano.
Kei mua tonu hoki i a raua etahi whakapae mo te whakamahi heahea i te pu, ko te whiu mo taua hara ka piki ki te toru tau i te whare herehere, he whaina mo te $4,000, nga mea e rua ranei. Kei mua i a Mendoza te whakapae mo te pupuri i te raihana me te kore e whai raihana.
Ko te katoa o te whakawhiu mo tera he toru marama i te whare herehere, he whaina mo te $1,000, nga mea e rua ranei.
Kei te karo te tokorua nei i nga whakapae, a, ko te ra i whakaritea kia hoki ki te Koti Takiwa o Tamaki-makau-rau, hei te Hepetema.
