This is a translation in te reo of this story, to mark Maori Language Week.
KEY POINTS:
Ki a Hinewehi Mohi, ehara ia i te wahine wawahi tikanga.
Engari i te tau 1999, nana i whakatutu puehu, nana tonu i manawaru ai tenei motu i tana waiatahanga i te ngaringari a te motu i roto i te reo Maori, ki Twickenham i mua i tetehi
kemu whutuporo o te ao.
I enei ra, kei te whakanuia te tauira nei, hei wahanga hitori mo tatou, engari, e waru tau ki mua, i te pokaikaha nga Pango Katoa i te kaiwaiata nei, i a ratou e tatari ana ki te ngaringari a te motu Ingarihi.
I te kainga, huri koroiroi ana nga korero paoho irirangi mo te waiata reo Maori-anake nei, koinei hei kaupapa panui matua, a, he whakaaro o tena, o tena kaiwhakapaoho.
Tera hoki te hunga, i te hiahia kia aukatingia tana waiata ano i te ngaringari a te motu nei.
Hei apopo (Ratapu) ko te rangi whakamutunga mo Te Wiki o Te Reo Maori. I ki a Hinewehi ki te Herald, kia rarapa whakamuri ia, ka ohorere tonu i "te nui o te utiuti ra".
Ka ki te wahine nei, 42 ona tau, na te whakahirahira o te reo ki a ia, ka wareware kaore e pera ana nga whakaaro o etehi atu tangata. "I pouri tonu ahau i taku pohehe, ka whakanuia e tatou katoa o Aotearoa, to tatou ahurei motuhake.
"Heoi, kaore i pera."
Kei te kia ake e Hinewehi, ko ia hei "dial a diva" mo te kemu, a, kaore i tino whai wheako ki te waiata i te mea Ingarihi.
"Kia pono, kaore i mau i ahau nga kupu Ingarihi katoa, a, ko etehi he rereke. I penei noa au, ka pai mai te iwi ki te mea Maori. I whakaaro ahau, mehemea e pa manawa ana ki ahau, ka warea hoki te iwi e aua kare-a-roto, pera hoki i te haka."
I a Aoteroa e ata warea ana, ka whakaaro ake te hunga paoho o UK - he aha ra te mate.
"Te aro i a ratou a tatou take ahurea-rua, reo-rua ranei."
"Engari, ki etehi wahi huri noa i te ao, ko te reo kotahi, ko te reo Ingarihi anake ranei, kaore e taea."
Ko Naida Glavich i rongonui hei kaiwhakautu waea, i te tau 1984 i whakahengia mo tana mihi "Kia ora" ki nga kiritaki. Ka maumahara i whakaongaongatia, rongo ana ia i a Hinewehi e waiata ana i te ngaringari a te motu.
"I waiatahia ake e ia ki tana i tae ai. Ataahua rawa."
I whakahekengia a whaea Glavich mo ana mihi "kia ora".
I tenei ra, ka ki ia, kaore kau he rongo korero i taua wa, na te mea, i muri i te whakapuakitanga o tana whakahekenga turanga, e wha rangi whai muri iho, ka ata paohotia ki te motu.
Otira, ahakoa te rereke o nga whakaaro mo ta te kaiwaiata mahi, i tautoko katoa te iwi whanui i a whaea Glavich. Whai ake, ka mihia e nga kaihautu waka rererangi a ratou pahihi, ka huri hoki te ingoa o te puka maheni a nga tauira whare wananga o Tamaki Makaurau i'Craccum' ki'Kia ora'.
"Kei te ki ahau, naku i whawhai te pakanga, engari, na te motu i toa ai, i to ratou whakahokihoki.
"I te whakaaro ahau, 'koina te rereke i a maua ko Hinewehi'. I wero ke au ki tetehi wahanga mahi no te Kawanatanga, i wero ke ia ki te motu whanui."
Kia rarapa whakamuri inaianei, kaore aua tauira i te ru i te manawa.
Mo Hinewehi, ko te tumanako ehara ma enei mahi ana anake, mohiotia ai ia. Ko ia hei kaihanga pouaka-whakaataata, nana i whakarite tetehi punga whakaora tamariki haua ma te waiata, a, i whai wahi hoki ia ki te hotaka 'Uia to whaea keke'.
Engari kia rarapa whakamuri, e koa ana ia i te nui o te korerorero mo te reo Maori, i ara ake i te waiata kotahi.
* Translation courtesy of Waikato University's School of Maori and Pacific Development