Ko te aria he whakatenatena i nga tangata i te kainga, i te wahi mahi i hea ake ranei i to ratou aroha mo te reo.
Ka whakahaeretia e Te Kura Kaupapa Maori o Te Ara Hou he wananga takaro Maori, mahi toi hoki mo etahi atu kura kaupapa maori hei tenei Rapare ki te whakanui i tenei wiki.
"He wha rau rima tekau nga tamariki ka tae mai i nga kura o Te Wairoa, he rua nga kura no Heretaunga.
"Ka ako ratou i nga kemu pera i a kiorahi, ka hangaia hoki he manu tukutuku kia taea ai nga tamariki te korero tahi."
"Ko te tumanako ka haere tonu tenei huinga."
Hei ta Pohatu he mea angitu te whakakotahi me nga kura o te rohe i ta ratou kaupapa maori.
Ehara i te mea ka noho mo tetahi wiki noa ihoa o te tau.
"Ka haere matou ki nga mahi kapa haka mo nga kura tuatahi, no reira ahakoa ka haere ki hea ka tautoko tonu matou i tera kaupapa."
Kei te whakaheretia e nga whare pukapuka o Heretaunga me Ahuriri etahi kaupapa whakanui i te wiki o te reo maori. Kei Maungawharau me Paharakeke Te Wa Pakiwaitara, te panui pukapuka, te waiata me nga mahi toi.
Ka whakaatuhia e te whare pukapuka o Heretaunga nga kupu Maori ki roto i te whare, a, ka tuku mihi atu nga kaimahi ki roto i te reo.
I Ahuriri, he wa panui pukapuka mo nga tamariki, ka panuitia e nga kaimahi nga pukapuka ki roto i te reo hoki.
Hei whakanui hoki i tenei wiki kua hangaia e te wahanga kaupapa taonga o te kaunihera o Ahuriri etahi tutohu reo Maori e mihi ana i te hapori.
Ka timata a Hawke's Bay Today i nga korerorero mo te Wiki o te Reo Maori i tenei ra, me te patai kia tuku korero mai mo te wa e ako ana koe i te reo, a, he aha tona pai ki roto i to ao.
Translated by Apikara Te Rangi
